كلمات ياريتك فاهمني – أنغام | كلمات

ياريتك فاهمني – أنغام
ياريتك فاهمني بجد زي ما بفهمك
وتقرا اللي جوايا بعيني تبص لك
يا حلمي اللي متأجل وانا هموت واحلمك
ياعمري اللي ناقص عمر نفسي اكملك
يا كل الكلام اللي بشفايفي بهمسه
يا أملي اللي بتمنى اطوله او المسه
يا هوى من زمان عايشه عشان بتنفسه
ياريت ابقى آخرك في الحياة دي وأولك
لو اختار ما بين نفسي وما بينك هعترف
بإن انت أغلى واولى وكمان أولاً
بحبك سنين في السر ومحدش عرف
وانا ادفع سنين تانيين واحبك في العلن
عينيك الف رحلة وفيها اخدت على السفر
يا ليل قد عمري نفسي يطول واسهره
يا ذنب في حياتي اللي لو بكره اتغفر
بقية حياتي هعيده وافضل اكرره
لو اختار ما بين نفسي وما بينك هعترف
بإن انت أغلى واولى وكمان أولاً
بحبك سنين في السر ومحدش عرف
وانا ادفع سنين تانيين واحبك في العلن
كلمات: نادر عبد الله ألحان: تامر عاشور إنتاج: روتانا 2019