ليل المحمدي – كلمات اغنية توأمي

كلمات اغنية توأمي – ليل المحمدي

وحق اللي وهبني الروح
ومشّى الدم في الشريان
بحبك حب مخطرشي
في يوم على قلب ولا انسان
يا حضن بيلمس الاحساس
وبيعالج من الاحزان
بحبك لو يعود عمري
هحبك مرة تانية كمان

كل يوم جنبك سعادة
قادره تمحي سنين آلام
وسط حرب الدنيا جيتي
ماليتى قلبي بالسلام
مش هسيبك مهما يحصل
وعد مني متخافيش
كل شئ جوايا مات
بيكي تاني رجع يعيش

توأمي انتي اللي حافظني
مفيش معاكي شعور ناقصني
مهما اقول مش هوفي حقك
حتى تفكيرك دارسني
عشتي شايله هم قبلي
ملاك من الجنه اتوهبلي
مش هيجي أغلى منك
مهما بردوا العمر جابلي

انتي اغلى الناس في عيني
مهما روحت ومهما جيت
لو بقيت في الدنيا حاجه
بفضلك انتي أنا بقيت
طمني يا حبيبتي قلبك
للنهاية أنا هبقى جنبك
الحياة مليانة ناس
لكن انتي لروحي بيت

ربنا يخليكي ليا
واعيش وادوب في هواكي دوب
انتي أطهر شئ قابلته
وسط كون مليان ذنوب
طفله لما بشوفها تضحك
عيني بتطلَّع قلوب
استحاله اتخلى عنك
حتى لو هدخل حروب