كلمات اغنية قد السما وليد الشامي

كلمات اغنية قد السما – وليد الشامي

ويمر طيفك على قلبي وحِنّا بْعاد
يرسِم في وجهي إبتسامة شخص ماهو بخير
إشتقت لك لين صرت من الوَلَه لا زاد
مدري اللي يخفق في صدري قلب ولا طير

طيرٍ يحبك وربِّيته وعليك إعتاد
إن فارق ضلوعي لجل رضاك وجاك يطير
لِمَّه ترى القلب وراعي القلب لك منقاد
وما جابه من كبريائه إلاّ حب كبير

ياهو بخفوقي كلام وشوق يكفي بلاد
طول المسافة وكِثِر منت بعيوني غير
واحشني قد السما وقد ما تِحِب لِعناد
وحشتني ضحكتْك وعينك واحشتني كثير

زعلك غالي على روحي وعلى لِفؤاد
ولِرضاك أسوم العُمُر وأقول جعله خير
لا ضعْف أسوق إعتذاري ولاني بمعتاد
لكن خصمي عزيز ولَه غلا وتقدير

فراقِك الموت وقربك عمري والميلاد
وما بينهم لك غلا ما صار ولا بيصير
ويّاك راحات عمري ولو رضاك إجهاد
أفداك كِلّي وأقول آسف على التقصير

ياهو بخفوقي كلام وشوق يكفي بلاد
طول المسافة وكِثِر منت بعيوني غير
واحشني قد السما وقد ما تِحِب لِعناد
وحشتني ضحكتْك وعينك واحشتني كثير

كلمات أغنية قد السما

كلمات : أنور المشيري
غناء : وليد الشامي
ألحان : احمد الهرمي
توزيع : زيد نديم