كلام القلب للقلب كلمات سلطان بن مريع

ياللي يشع النور حزت محياك
البعد لا ما نقص الحب واغليك
لي قلب واحد وسط شريانه أبغاك
نبضه بليا طلتك دوم يبكيك

وش فايدة طول الليالي بلياك
الليل يتعبني وأنا زود شاريك
لا النوم يحلالي وهالعين ترجاك
تطلبك ساكن مغلتيها وتبغيك

الفكر من شوقه سرى صوب سكناك
مشغول في زينك ويغنيه طاريك
البال يا غرشوب لا ما تناساك
دايم على اسمك هاجسه دوم يعنيك

والوقت عيا يطلب الوقت لقياك
ما للصبر ذا الحين فرجه وأنا احريك
أما الجوارح كلها دوم تنصاك
كل الجوارح لي معي شرط تفديك

واليوم عطرك ماليٍ كل ذكراك
اهواه وش هي حيلتي لوبحييك
ما عاد يومي يوم من يوم فرقاك
حتى طيور الصبح تبداه تدعيك

الله يعين العمر من دون رؤياك
والعمر في حال العذر هيه يعفيك
هذا كلام القلب للقلب جدواك
والله يجملني والأبيات تكفيك